Ohiko galderak

LandaGO proiektua lehen mailako garapen teknologikoa da eta erronka handiak dakartza berekin. Proba asko egin beharko dira baliozkotu dadin, eta proba horietan laguntzeko eta behin betiko ibilgailu autonomoa garatzeko interesa duten auto-fabrikatzaileek parte hartu beharko dute. Une honetan atariko fasean dago LandaGO proiektua eta hasierako datuak biltzea da helburua, hots, etorkizunean gure landa-ingurunera egokitutako ibilgailu autonomo bat garatzeko baliagarriak izan litezkeenak. Ondo bidean, behin betiko ibilgailua ez da 2030a baino lehen prest egongo.

Ez, gaur egun ibilbide horiek ez dutelako zerbitzurik; hortaz, ez da lehendik dagoen zerbitzurik ordezkatuko. Garrantzitsua da mugikortasun autonomoko teknologiaren alde egitea, oso interesgarria delako bidaiari gutxiko ibilbide horiek gidaririk gabe egitea: bestela, ez dira ekonomikoki bideragarriak.

Proiektu honetan funtsezkoa da segurtasuna. Ibilgailu autonomoak sentsore aurreratuak eta telemetria ditu, oztopoak denbora errealean detektatzeko eta jarduera segurua bermatzeko. Segurtasun-arauak eta urruneko kontrolerako, larrialdiko laguntzarako eta operadoreak gaitzeko protokoloak betetzen direla begiratuko da; hala, edozein ezustekori eraginkortasunez erantzuten zaiola ziurtatuko da.

Prototipoa aseguratuta egongo da, beste edozein ibilgailu bezala, edozein gertakariren erantzukizuna hartu ahal izateko.

Bai, segurtasuna lehentasunezkoa da proiektuan. Hasiera batean, segurtasuneko gidari batek gainbegiratuko du eta urruneko kontrol-zentro batera konektatuta egongo da. Kontrol-zentroak autoa gidatu ahal izango du, eta gorabeherarik bada, edozein dela ere, irtenbidea eman.

Probetan erabiliko den ibilgailua, hasiera batean, etorkizunean izango denaren prototipoa izango da. Ibilbidea modu autonomoan egiteko beharrezkoa den teknologiaz hornituta egongo da autoa. Gainera, Vicomtech enpresako irudiaren errotulua izango du. Aurreikuspenen arabera, 2026. urtearen erdialdetik aurrera probetarako erabiliko den ibilgailu autonomoa edukiera handiagoko fabrikatzaile batena izango da segur aski, furgoneta edo mikrobus motakoa. Fabrikatzailea zehazteke dago.

Bide-tartea ibilgailu autonomoa gidatzeko beharretara egokitu beharko da. Adibidez, baliteke aldi baterako semaforo bat jarri behar izatea. Nolanahi ere, uste dugu eragozpenak gutxienekoak izango direla, eta aldez aurretik jakinaraziko dira, tartean diren herrietako udalen bitartez.

Horrela eman ahal zaielako landa-inguruneei zerbitzu malgua (eskariaren araberakoa), jarraitua eta ekonomikoki bideragarria. Gainera, etorkizuneko garraioa da, merkea eta jasangarria baita: ibilgailua elektrikoa izango denez, askoz gehiago errespetatzen du ingurumena. Funtsezkoa da, beraz, Gipuzkoak teknologia horren alde egitea, etorkizuna baita, argi eta garbi. Gainera, etorkizunean kamioi-gidari eta garraio publikoko gidari gutxi egongo direla uste da —gaur egun jada nabaritzen da hori—.

Herritar batzuei autoa probatzeko gonbita egingo zaie, Abaltzisketa eta Amezketa arteko ibilbidean. Oraindik ez dakigu data zehatzak zein izango diren, baina 2025eko martxo-apiriletik aurrera izango da. Prototipo bat izango da; ez da izango etorkizunean zerbitzua emango duen ibilgailu mota. Zerain eta Segura arteko bidean ez dago aurreikusita komunitateak ibilgailua probatzea, ikerlana atariko fase batean geratuko baita, datuak biltzeko izango da soilik.

Zerain eta Segura arteko bidean datuak lortzea da helburua, eta, beraz, lehen fase honetan ezin izango da ibilgailua probatu.

LandaGO proiektua horrela bideratu da, orain probetan lortutako datuak etorkizunean aplikagarriak eta baliagarriak izan daitezen Europako landa-inguruneko mugikortasun-arazoei erantzuteko. Ez da soilik I+Gko proiektu bat: aplikatu ahal izatea bilatzen da. Hala ere, teknologia berria eta konplexua denez, ezingo da epe laburrean lortu, baina garrantzitsua da teknologia hori probatzearen alde egiten duten lehen lurraldeen artean egotea Gipuzkoa, batez ere, landa-eremuaren moduko ingurune zailez ari garela.

Komunitateak hasieratik izango du zerikusia proiektuarekin. Proiektuaren parte sentitzea nahi dugu, iritzia ematea eta ibilgailua eta teknologia berritzaile hori probatzea. Horretarako, aurrez ikusita dago inkestak eta elkarrizketak egitea; horietan, adierazteko aukera izango dute. Era berean, ibilgailua noiz probatu ahal izango den jakinaraziko da.

Inplikatutako eremuetako biztanleak gertaera garrantzitsuen berri izatea aurreikusita dago. Horretarako, informazioa jendeari helarazteko modurik eraginkorrena diseinatuko da, alkateekin batera.